12 a.m လား 12 p.m လား?

Go down

12 a.m လား 12 p.m လား?

Post  Admin on Tue Aug 16, 2011 5:12 pm

အင်္ဂလိပ်စာ လေ့လာကာစ တစ်ချို့တွေ ၀ိုးတ၀ါးဖြစ်နေသေးတဲ့အရာတစ်ခုကတော့ ည ၁၂ နာရီဟာ 12 a.m. လား p.m. လားဆိုတာပါပဲ။ a.m. ဆိုတာ လက်တင်ဘာသာ ante meridiem ရဲ့အတိုကောက်ဖြစ်ပြီး မွန်းတည့်မတိုင်မီအချိန် (before noon) လို့အဓိပ္ပါယ်ရပါတယ်။ p.m. ကတော့ post meridiem မွန်းတည့်ပြီးနောက်ပိုင်းအချိန် (after noon)လို့ဆိုလိုပါတယ်။ ယေဘုယျအားဖြင့် 12-hour clock system သုံးတဲ့အခါမှာ 12 a.m. သည် ညသန်းခေါင်ချိန်ဖြစ်ပြီးတော့ 12 p.m. သည် မွန်းတည့်ချိန်ကို ရည်ညွှန်းပါတယ်။ တစ်ချို့ ကပ်ကပ်သပ်သပ် ငြင်းချင်သူတွေကတော့ ည ၁၂ နာရီတိတိသည် before noon အဓိပ္ပါယ်အရ a.m. မဖြစ်သင့်ဘဲ p.m. သာဖြစ်သင့်တယ်။ ၁၂.၀၁ နာရီသာလျှင် a.m. ဖြစ်သင့်တယ်လို့ အထွန့်တက်ကြပြန်ပါတယ်။ ကျွန်တော်တို့ကတော့ အင်္ဂလိပ်စကားကို မိခင်ဘာသာ အနေနဲ့ပြော သူတွေ ရေးသလို၊ ပြောသလို လိုက်ပြောရမှာပါပဲ။ U.S. Government Printing Office နဲ့ ဒီဂျစ်တယ်နာရီတွေကတော့ 12 a.m. ညသန်းခေါင်၊ 12 p.m. ကို နေ့မွန်းတည့်ချိန်အဖြစ်သတ်မှတ် အသုံးပြုပါတယ်တဲ့။ အင်္ဂလိပ်စာသင်ရိုးစာအုပ်တွေမှာ

လည်း ဒီလိုပဲသုံးတာတွေ့ရပါတယ်။ Canadian Press, UK standard, National Institute of Standards and Technology တို့ကတော့ ရှုပ်ထွေးမှုမဖြစ်အောင် midnight, noon ဆိုတဲ့ စကားလုံးကိုပဲသုံးတယ်လို့ သိရပါတယ်။ တကယ်တော့ လူ့ဘ၀ဆိုတာ အများစုသတ်မှတ်ပေးကြတဲ့ convention အစဉ်အလာတွေ အတိုင်း လိုက်နာနေထိုင်ကြရတာပဲမဟုတ်လား။ ကိုယ်က Shakespeare လိုဖောက်ထွက်နိုင်ရင်တော့လည်း လူတွေ ကိုယ်ပြောသလိုရေးသလို လိုက်လာကြမလားဟု ထင်မိပါတယ်။ စိတ်ဝင်စားရင်တော့ အောက်ကလင့်ကလေးတွေမှာ အကျယ်ဖတ်ကြည့်ကြတာပေါ့။

Admin
Admin

Posts : 105
Join date : 2011-08-13

View user profile http://cudawei.4umer.com

Back to top Go down

Back to top


 
Permissions in this forum:
You cannot reply to topics in this forum